Bentades Ikastetxea herri euskaldun baten kokatutako ikastetxea izanik , beharrezkoa ikusten dugu ikastetxearen testuinguru eta eremu guztietara euskara zabaltzea. Euskaldunen eta Euskararen artean bizi garela ohartzea eta ohartaraztea.

Gure eskolan euskararen kontzientzia hartzeko ekintza ugari egin izan ditugu beti ( Aste kulturala , jaialdi desberdinak , lehiaketak … ) eta NOLEGA – ko ekimenetan ere parte hartu izan dugu: “ ikasleak ikastetxeetara ” programa, Euskal Girotze Egonaldiak…

Guzti hau kontutan hartuta, Bentades ikastetxeak erronka bezala jarri nahi du euskararen erabilera indartzea eta bultzatzea ikasle, irakasle , guraso eta gainerako eragileen artean.