LH 6 urtetik 12 urtera arteko etapa da eta 16 urtera arte hedatzen den Derrigorrezko Irakaskuntza Orokorraren atal bat osatzen du.

Lehen hezkuntzaren oinarrizko xedea haurraren garapen pertsonala bultzatzea da, dagokion gizarte-taldean integra dadin, bertan era autonomo eta sortzailean jardunez.

Lehen Hezkuntza 3 ziklotan banatzen da eta ziklo bakoitza bi kurtsok osatzen dute. LHn ikasleen garapen osoa lortu nahi da, hau da, beraien gaitasun fisiko, intelektual nahiz moralen garapen maximoa lortzea. Gainera, etapa honetan talde-lana sustatu nahi izaten da eta bakarkako lana autonomoagoa izatera pasatzen da.